معلومات مهمة عند التجوال

• تأكد إنه خدمة التجوال مفعّلة على موبايلك

• كل مشتركي خطوط Orange المدفوعة مسبقاً عندهم خدمة التجوال مفعّلة على موبايلاتهم تلقائياً، بس إذا كنت من مشتركي خطوط الاشتراكات الشهرية، تفضل بزيارة أي معرض من معارضنا، عشان تدفع رسوم الإيداع المطلوبة

• تأكد إنه خدمة التجوال مفعّلة على موبايلك، وتعرّف على أسعار التجوال، الحزم والعروض للدولة اللي إنت مسافر عليها، عن طريق زيارة الرابط التالي:
  https://internationalandroaming.orange.jo/roaming-services/roaming-map

• تأكد إنه معك فيشة كهربا مناسبة، عشان تقدر تشحن موبايلك بسهولة، وبننصحك تشتري من أي محل هاي الفيشة الخاصة بشحن الموبايل المناسبة لكل دول العالم

• طفّي خاصية التحديث التلقائي من Google Play أو App Store

• إذا كنت من مشتركي الخطوط المدفوعة مسبقاً أو التحكم بالمصاريف، تأكد إنه عندك رصيد كافي لتقدر تستخدمه خلال فترة سفرك

• تأكد إنك وقفت خاصية السحب على الفاتورة لما تستخدم الإنترنت فترة سفرك، من خلال الضغط على *979#

• شغّل موبايلك
• بأغلب الأوقات، موبايلك تلقائياً رح يدوّر على الشبكة المناسبة ويسجّل فيها
• إذا ما شبكت الموبايل، تأكد من دليل المستخدم الخاص بموبايلك لتعرف كيف بتقدر تدوّر على الشبكة يدوياً
• رح يوصلك إشعار برسالة نصية، بخصوص أسعار التجوال بالشبكة اللي سجلت فيها، وعن أفضل عروض للتجوال المتوفرة بالدولة اللي إنت فيها
• احتفظ بهاي الرسالة النصية على موبايلك للمستقبل، ما بتعرف شو بصير
• لما تشتري حزمة التجوال، رح يوصلك رسالة نصية بتأكدلك تفعيل خدمة التجوال، بالإضافة لإشعارات مستمرة لما تخلص 50%، 75% و100% من حزمة الإنترنت

• اشترك بوحدة من حزم التجوال والعروض الموجودة بالبلد اللي إنت مسافر لإلها بالضغط على #777* أو بزيارة موقعنا الإلكتروني:
  https://internationalandroaming.orange.jo/roaming-services
• وقّف التحديثات التلقائية
• بعض الموبايلات والكمبيوترات بتعمل التحديثات بشكل تلقائي طول ما إنت شابك نِت، عشان هيك تأكد إنك تطفي خاصية التحديثات التلقائية قبل ما تسافر، لإنه هالشي بيستهلك كتير نِت

• • • لمشتركي الخطوط الشهرية:
      • • • كيف تتصل؟ اطلب الرقم اللي بدك ياه مع مفتاح البلد الخاصة فيه
            (مثلاً: 0096277XXXXXXXX or +96277XXXXXXXXX)
            
      • • • كيف تبعت مسجات؟ حط رقم الموبابل مع مفتاح البلد الخاصة فيه (مثلاً: 0096277XXXXXXXX أو +96277XXXXXXXXX)

• • • لمشتركي الخطوط المدفوعة مسبقاً أو التحكم بالمصاريف:
      • • • كيف تتصل؟ اطلب الرقم اللي بدك ياه مع مفتاح البلد الخاصة فيه (مثلاً: 0096277XXXXXXXX أو +96277XXXXXXXXX)
          • كيف تبعت مسجات؟ حط رقم الموبابل مع مفتاح البلد الخاصة فيه (مثلاً: 0096277XXXXXXXX أو +96277XXXXXXXXX)

• • • استقبال الرسائل وإنت مسافر مجاني

بامكانك الإتصال بمركز خدمات أورانج باستخدام الرقم (00962777700177) حيث سيتم إحتساب المكالمة بالتعرفة المعتمدة لاستقبال المكالمات حسب الدولة و المشغل أثناء التجوال